Մեր մասին

Մեր տեսլականն է Հայաստանում ձևավորել օրգանական և անվտանգ սննդային համակարգ, որը կնպաստի մարդկանց առողջությանը, գյուղատնտեսությամբ զբաղվող ընտանիքների բարեկեցությանը, բնական էկոհամակարգերի և կենսաբազմազանության պահպանմանը, ինչպես նաև կապահովի վստահելի և մրցունակ արտադրանքի վաճառք ինչպես տեղական, այնպես էլ միջազգային շուկաներում։

Մեր առաքելությունն է՝ ձևավորել և ապահովել հզոր, համախմբված և վստահելի ազգային ձայն՝ սերտիֆիկացված օրգանական ֆերմերների, արտադրողների և վերամշակողների համար՝ ներպետական և միջազգային շուկաներում։ Կառուցել և խթանել արտադրողների առաջնորդությամբ ձևավորված ազգային օրգանական շարժում և քաղաքականության հարթակ, որը կնպաստի Հայաստանի օրգանական համակարգի բարեփոխմանը, դերակատարների կարողությունների ամրապնդմանը և ոլորտի միջազգային ինտեգրմանը։