ՕՌՎԱԿՕ

Երազանքից՝ իրականություն Դեռևս ուսանողական տարիներից ինձ խորապես մտահոգել է օրգանական մնացորդների և թափոնների հարցը․ ես հավատում էի, որ դրանք պետք է դիտարկել ոչ թե որպես շրջակա միջավայրն աղտոտող թափոն, այլ՝ արժեքավոր արտադրանքի համար պիտանի օգտակար ռեսուրս: Այդպիսով, իմ մասնագիտական երազանքը դարձավ օրգանական թափոններին երկրորդ կյանք տալը: Մասնագիտական երազանքս հնարավոր դարձավ կյանքի կոչել հայ և նորվեգացի մտահոգ մարդկանց և կազմակերպությունների աջակցության շնորհիվ: Երեք տարի շարունակ հայ և նորվեգացի գործընկերների հետ համատեղ իրականացրած գիտական ուսումնասիրությունները տվեցին իրենց արդյունքը. մեզ հաջողվեց կալիֆորնիական կարմիր որդերի և միկրոօրգանիզմների միջոցով որոշակի օրգանական մնացորդների վերամշակումից ստանալ որակյալ, օրգանական պարարտանյութ, որի հիման վրա էլ 2011թ․-ին Աբովյան քաղաքում համատեղ ջանքերով հիմնադրեցինք օրգանական թափոնների վերամշակման գործարանը՝ «ՕՌՎԱԿՕ»-ն՝ մեր առջև նպատակ ունենալով փակել բնապահպանական շղթան և խթանել անթափոն արտադրությունը։ Ժամանակի ընթացքում «ՕՌՎԱԿՕ»-ն, ընդլայնելով իր արտադրական ծավալը, այժմ ֆերմերին տալիս է լայն հնարավորություն՝ տարատեսակ մշակաբույսերի մշակության մեջ հրաժարվելու վնասակար քիմիկատներից՝ փոխարենն օգտագործելով օրգանական, բնական պարարտանյութեր, և տալու վիտամիններով հարուստ, անվտանգ արտադրանք։ Լուսինե Նալբանդյան «ՕՌՎԱԿՕ» ՓԲԸ-ի համահիմնադիր, գործադիր տնօրեն Տեսլականը – Տարածաշրջանում դառնալ համաշխարհային ստանդարտներին համապատասխանող օրգանական պարարտանյութեր արտադրող խոշորագույն ընկերություն, որն իր բազմազան արտադրատեսակներով կոչված է բարձրացնելու հողի բերրիությունը և մշակաբույսերի բերքատվությունը՝ ստեղծելով կայուն ագրոէկոհամակարգեր։ Նպատակը – Մեր նպատակն է փակել բնապահպանական շղթան և խթանել անթափոն արտադրությունը։ Արժեքները • Գիտելիք - Մեր գործունեության հիմքում գիտելիքն է և պրոֆեսիոնալիզմը։ • Աճ - Մեր աճի և զարգացման հիմքը նոր ու բազմազան տեսականու արտադրությունն է՝ երաշխավորելով բնական ակտիվների տնտեսական ներուժի լիարժեք իրացումը՝ կայուն հիմունքներով։ • Պատասխանատվություն - Մենք բարձր պատասխանատվությամբ ենք մոտենում մեր հաճախորդների «կանաչ աշխարհ» ստեղծելու երազանքին: • Ստեղծագործական մոտեցում - Մենք մեծ ուշադրություն ենք դարձնում թիմի ներսում ստեղծագործ ու նորարարական «ծաղկող մշակույթի» խթանմանը՝ մեր հաճախորդների կարիքների բավարարման համար: • Հարգանք - Միմյանց նկատմամբ հարգանքն ու վստահությունը աշխատանքային գործընթացը դարձնում են հաճելի և արդյունավետ։ Համբավ - Մեր վերադարձող հաճախորդները լավ համբավի լավագույն երաշխիքն են:

Արտադրությունն սկսվել է 2011 թվականին: Ընկերությունն արտադրում է օրգանական պարարտանյութեր՝ կենսահումուս, կենսահեղուկ, գրանուլացված կենսահումուս, օրգանոմիքս, սուպեր կոմպոստ, սուպեր միքս:

Սերտիֆիկացված: Սերտիֆիկացումը կատարվել է «Էկոգլոբ» ընկերության կողմից:

Օրգանական պարարտանյութեր՝ կենսահումուս, կենսահեղուկ, գրանուլացված կենսահումուս, օրգանոմիքս, սուպեր կոմպոստ, սուպեր միքս

Վաճառք՝ անմիջապես գործարանից, օնլայն խանութի միջոցով, մասնագիտացված, ծաղկի և տնտեսական խանութներում, «Երևան Սիթի» սուպերմարկետների ցանցում