Թուֆենկյան Հերիթեյջ

Ընկերությունը հանդիսանում է Թուֆենկյան Հոսփիթալիթի խմբի մաս, որի հիմնադիր Ջեյմս Թուֆենկյանը ավելի քան քսան տարի առաջ վերադառնալով ԱՄՆ-ից հայրենիք հիմնել է ձեռագործ գորգերի արտադրության եւ հյուրանոցային ծառայությունների ընկերություններ՝ նվիրվելով Հայաստանում մշակութապահպան եւ ձեռագործ արհեստների պահպանության ու վերականգնամ գործին: 2019թ-ից ընկերությունը նախաձեռնել է խաղողագործության եւ գինեգործության ուղղությունը՝ հիմնելով խաղողի այգիներ Վայոց Ձորի մարզի Չիվա գյուղում, եւ կառուցելով գինու գործարան ու հյուրանոցային համալիր Արենի գյուղում: Խաղողագործության եւ գինեգործության մեջ մենք առաջնորդվում ենք հետեւյալ սկզբունքներով՝ Օրգանական և Բիոդինամիկ Մեր համապարփակ մոտեցումը՝ ի նպաստ կենսաբազմազանության, բարելավում է հողի և խաղողի որթերի առողջությունը՝ հնարավորություն տալով մեզ ստեղծել բնույթով խորը և բարձր կենսունակությամբ գինիներ։ Հողը և Կլիման Հիմքում Մենք հարգանքով աշխատում ենք խաղողի բնիկ տեսակների հետ, որոնք հազարամյակների ընթացքում էվոլյուցիայի են ենթարկվել՝ բարգավաճելով Վայոց Ձորի հողակլիմայական պայմաններում, և դրանք խմորում ենք՝ միայն օգտագործելով յուրաքանչյուր այգում խաղողի վրա բնականորեն առկա խմորիչները։ Բարձրադիր Գոտի Նշանակալի բարձրության (1250-1500մ) վրա գտնվող այգիներից ստացվում է ինտենսիվ բույրերով, վառ թարմությամբ և բացառիկ հավասարակշռությամբ խաղող։ Ցածր Բերքատվության Այգիներ Մեր սեփական խաղողի այգիները մանրակրկտորեն մշակվում են ցածր բերքատվության համար՝ ապահովելով բացառիկ որակ և խտացված համեր յուրաքանչյուր շշում։ ԳԻՆԵԳՈՐԾՈՒԹՅԱՆ ՓԻԼԻՍՈՓԱՅՈՒԹՅՈՒՆ Մենք հավատարիմ ենք բնական մեթոդներին, նվազագույն միջամտությանը և մեր յուրահատուկ հողակլիմայական առանձնահատկությունների արտահայտմանը։ Միայն այս կերպ կարող ենք ստեղծել ինքնատիպ հայկական գինիներ, որոնք խորապես արմատացած են իրենց հողում և ավանդույթներում։

Աշխարհի ամենահին գինեգործական համալիրից ոչ հեռու և Արարատ լեռան ստվերում, ուր, ըստ ավանդության, Նոյը պատրաստել է առաջին գինին, մենք նվիրված ենք ստեղծելու բացառիկ գինիներ՝ արտացոլելով Հայաստանի, Վայոց Ձորի և մեր խաղողի այգիների յուրահատուկ ու եզակի հողակլիմայական առանձնահատկությունները:

Սերտիֆիկացված: Սերտիֆիկացումը կատարվել է «Էկոգլոբ» ընկերության կողմից:

Ընկերության օրգանական արտադրատեսակներն են՝ - Թուֆենկյան Չիվա Ռեզիլյանս Կարմիր գինի - Թուֆենկյան Չիվա Ռեզիլյանս Սպիտակ գինի

Վաճառվում է մասնագիտացված գինու խանութ-վաճառասրահներում, գինու բարերում, Երեւանի եւ մարզերի ավելի քան 70 ռեստորաններում, ինչպես նաեւ Թուֆենկյան Հերիթեյջ հյուրանցային խմբի բոլոր հյուրանոցներում: